EGK [eus] :: Hasiera
2016-02-11

Otsailaren 12an arratsaldean EGK-k gazteak eta eragile sozialak bakea eta bizikidetzaren gainean hitz egiteko elkartzen dituen dokumentala aurkeztuko du  Bilboko Azkuna Zentroan (Alhondiga) eta, gaztea bazara, ezin duzu galdu. Bertan agertzen ideiak eta irudiak Bakehizketak topaketan jaso ziren, EGK-k antolatu zuen elkarbizitza 2015eko urrian hogei gazte eta euskal errealitatearekin harreman zuzena duten pertsonekin, esparru eta sentsibilitate guztietakoak: kazetariak, biktimak, biktimarioak, historialariak, kargu publikoak, kultur eragileak... Hauek guztiak Bilbon berriro elkartuko dira eta zu bakarrik falta zara, informa zaitez eta parte hartu!

2016-02-10

EGK-k gazteok emantzipatzeko eta etxebizitza duin bat lortzeko ditugun arazoak plazaratu nahi ditugu. Horretarako, topaketa bat prestatu dugu etxebizitzako politika publikoen gainean gazteok ditugun iritziak, ideiak, eta beharrak partekatzeko. Hau hasiera puntua izango da gazteen etxebizitza lan talde bat sortzeko eta instituzioei gure hobekuntza proposamenak helarazteko. Hitzordua: otsailaren 25a, osteguna, arratsaldeko 17.00etan EGKren Bilboko egoitzan, anima zaitez eta parte hartu!

2016-02-08

Martxoaren 12an, larunbatean, goizeko 9.45etan hasita, Euskadiko Gazteriaren Kontseiluaren 35. Batzar Orokorra egingo da. Bilera goizez bakarrik Gasteizko El Pilar Gizarte Etxean (Konstituzio plaza, 5) izango da. Hurrengo egun eta asteetan, EGK Batzarrerako prestatzen den ohiko dokumentazioaren bidalketarekin hasiko da.

2016-02-05

Astialdi Foroak, EGKren barnean elkartzen diren 17 euskal astialdi eskolek eta 10 federaziok, 'Boluntariotza argazki lehiaketa' antolatu zuen 2015eko abenduan eta aurkeztu ziren irudi hoberenak erakusketa batean egongo dira orain. Hau lehen aldiz Gasteizen ikusi ahalko da, El Pilar Gizarte Etxearen erakusketa aretoan, otsailaren 11tik 18ra goiz eta arratsaldeko ordutegian: 10.00etatik 13.30ra eta 16.30etatik 19.30etara. Gasteizen egin ondoren, erakusketa Bilboko La Bolsa eraikinera iritsiko da apirilaren 15etik 29ra eta gero Donostiara.

2016-02-03

EGK-k berdintasun lan arloa berreskuratu du. Aste honetan teknikari berri batek lan honi ekin dio eta urtean honetan genero eta LGTB berdintasunaren inguruko jarduerak egingo ditu Emakunderekin sinatutako hitzarmen bati esker. Teknikari berria Norma Ageitos Urain gazte mutrikuarra da eta dagoeneko 2016ko plangintzarekin lanean jarri da eta, besteak beste, aurten emakume gazteen laneratzea landuko da.

Diru-laguntza eman dute:

 

Eusko Jaurlaritza            Bizkaiko Aldundia     Gazte Bizz     Gipuzkoako Aldundia