EGK [eus] :: Hasiera
2016-07-22

Hilabete pasa da Berdintasun Protokoloak onartu zirenetik eta, zoritxarrez, errealitateak ez zigun 48 ordutako deskantsua ere eman hauek martxan ezartzeko. Gaur hilabete betetzen dela hauen onarpenetik eta Europa Mailako Gorroto Delituen Biktimen Aldeko Egunaren harira, protokoloak noiz aktibatu diren gogorarazi eta gogoeta txiki bat egin nahi dugu.

2016-07-20

Euskadiko 16 eta 25 urteko pertsona gazteak etxebizitza politikengatik arduratuta daude eta hauek diseinatzerako orduan euren ahotsa kontuan izatea nahi dute. Horixe ondoriozta daiteke Euskadiko Gazteriaren Kontseiluak (EGK) egindako txostenean, 2015ean egin zen eta sare sozial eta EGK-ko elkarteen artean zabaldu zen galdetegia oinarri bezala duena.

2016-07-19

Gogoan al duzu GazteOlinpiadak ekimena? Guk bai. Urriaren 1a gorriz markatua dugu gure egutegian. Maiatza amaieran aurreratu genuen bezala, aurten ere badatoz GazteOlinpiadak. Izan ere, iazko arrakasta ikusita, kirola eta parte-hartzea biltzen dituen egitasmoa ezin zen ekitaldi bakarrean geratu. Albiste barruan duzu orain arte egin dugunaren laburpena eta urrira begira prestatzen gabiltzana. Animatu!

2016-07-16

Argi dago hau ez dela uda lasai bat izaten ari. Edo, behintzat, optimistak izanda pentsa dezakegu egun ez dagoela salaketak ez burutzeko arrazoirik. Alegia, emakume gazteok pairatzen ditugun erasoak salatzeko ahaldunduta gaudela eta ez dugula ez lotsa ez beldurrik sentitzen. Logikoa den bezala eta izan behar den bezala. Ordea, gizonezkoek, bereziki gazteek, oraindik ere erasoak burutzea emakumeen aurka lotsagarria eta onartezina da, gau honetan bertan 28 urtetako gazte batek Gernikan egin duen bezala.

2016-07-14

Aisialdi hezitzaileko euskal eskolek eta federazioek, Astialdi Foroaren barnean lan egiten dutenek, begiralea, zuzendaria edo animatzaile soziokulturala izateko 50 ikastaro baino gehiagoko eskaintza aurkezten dute. Izen emateko epea jada irekita dago eta irailean zehar zabalik egongo da. Azken orduko presak ekiditeko, ez itxaron azken ordura arte eta eman izena Astialdiko Euskal Eskola batean.

Diru-laguntza eman dute:

 

Eusko Jaurlaritza            Bizkaiko Aldundia     Gazte Bizz     Gipuzkoako Aldundia