EGK [eus] :: Hasiera
2014-12-16

Euskadiko Gazteriaren Kontseiluak berdintasun lan arloa berreskuratu du. Joan den astean teknikari berri batek lan honi ekin dio eta hurrengo bost hilabeteetan genero eta LGTB berdintasunaren inguruko jarduerak egingo ditu. Teknikari berria Janire Muñiz Jauregui gazte bizkaitarra da eta dagoeneko EGKren Batzorde Iraunkorreko kideak ezagutu eta 2015erako plangintzarekin lanean jarri da.

2014-12-12

Abenduaren 12an, eguerdiko 12.00etan, oinarriek esaten zuten bezala, gure #EGK2015 Twitter lehiaketaren zozketa egin dugu Gasteizko EGKren egoitzan. Zortzi egunetan 35 lagunek txioak bidali dituzte; guztiak gure jarratzaileak zirela ikusi ondoren, sei izen atera ditugu: 2015eko BBK Live-rako bi bono, Euskal Selekzioaren partidurako bi sarrera eta bidezko merkataritzan 50 euro gastatzeko txekearen irabazleak. Orden berdinean sari bakoitzeko ordezko bat ere atera dugu. Albistean sartu irabazleen izenak ezagutzeko.

2014-12-09

"Herritarren Segurtasunaren Babeserako Lege Organikoa"-ren proiektua Kongresuak eta Senatuak berehalakoan onartuko dutela iragarri da. Honen aurrean eta hainbat arrazoiengatik, Euskadiko Gazteriaren Kontseiluak, argitaratutako testuaren kontrako posizioa plazaratu nahi du. Gainera, legea onartzen bada, lurraldean efektu praktiko gabe uzteko neurriak aztertu eta sortzea eskatzen die Eusko Jaurlaritzari eta Legebiltzarrari, baita Euskadiko instituzio guztiei.

2014-12-03

Gazte Astea eta Hiruburuak urrian zehar Gasteizen egindako proiektuak izan ziren eta politikariak, teknikariak eta gazteak elkartzea lortu genuen ekimen arrakastatsu honetan. Dagoeneko hilabete bat pasa Hiruburuak bukatu zirenetik eta, lantzeko denbora izan ondoren, Euskadiko Gazteriaren Kontseiluak bi material aurkezten ditu: txostena eta laburpena bideoa. Bertan irakur eta ikus daiteke bilera hauetan enplegua, etxebizitza eta proiektu autogestionatuen inguruan landu zena, baita urriaren 25ean egin genuen zabalpen festaren giroa.

2014-12-03

www.egk.eus, hauxe da gaurtik aurrera Euskadiko Gazteriaren Kontseiluko webgunearen domeinu berria Interneten. Erregistro prozesu hau PuntuEUS fundazioak aurrera eraman du eta abenduaren 3a, Euskararen Nazioarteko Eguna, aukeratu da 1.300 webguneen domeinua berri abian jartzeko: Euskal Herrian egiten direnak eta euskara edo euskal kulturarekin lotura dutenak. Oraingoz ez da beste ezer aldatuko, www.egk.org erabilgarri egongo da eta EGK-ko teknikarien e-mail helbideek berdin jarraituko dute.

mes anterior 2014ko abendua mes siguiente
A A A O O L I
1 2345 6 7
8910 11 12 13 14
15 16 17 18 192021
22232425262728
293031
Gaur ez dago ekitaldirik

Diru-laguntza eman dute:

 

Eusko Jaurlaritza     Arabako Gazteria       Bizkaiko Aldundia     Gazte Bizz     Gipuzkoako Aldundia