Aukera ezak bultzatuta atzerrira lan bila joatea pentsatzen ari al zara? Joan zinen... eta itzuli zara? Zure koadrila desegituratzen ari da? Kanpora joateko etengabeko gonbidapenek molestatzen al zaituzte? Edo, besterik gabe, gazteon lan-erbesteratzeak kezkatzen al zaitu? Orduan... sar zaitez www.sosgazteak.org blog berrian eta bidali zure postala! Twitterren #sosgazte etiketa erabili dezakezu ere. Ba hori: entzun zaitzaten.
Gazteon desenplegua eta prekarietatearen aurrean, zure ahotsa entzunarazi nahi al duzu? Zatoz bihar, ekainak 18, asteartea, 17.00etan Gasteizko gure egoitzara. Bertan, elkarte, gazte mugimendu eta gazte ezberdinak bilduko gara, errealitate gordin honi nola aurre egin proposamenak adosteko. Sartu zaitez albistean eta xehetasun guztiak ezagutu!
Ez daukagu gauza gehiegi, baina duguna, konpartitzen dugu. Euskadiko Gazteriaren Kontseiluan materiala eta gelak uzten ditugu EGK-ko kide diren elkarteentzat eta bestelako gazte mugimenduentzat ere. Hemen duzu zerrenda laburra:
Etxean geratzeko garaia baino, kalera atera, parte hartu eta gure harri koskorra jartzeko momentua dela iruditzen zaizu? REC-a sakatu eta parte hartu RECacciona. Parte hartzeko garaia da! bideo lehiaketan. Gutxienez bi pertsonako taldea osatu eta gehienez hiru minutuko iraupena duen bideoa egin irailaren 30a baino lehen. Mila euroko saria irabazi dezakezu, parte hartzearekin lotutako zure ideia edo proiektuetarako. Ezagutu itzazu oinarriak.
Denboralea pasa dela dirudienez, astialdiko eskola eta federaziook kalean 'akanpatuko' dugu aste honetan ;) Uda honetarako antolatu ditugun udaleku eta ekintzak iragarrai nahi ditugu, eta, garrantzitsuena: urte osoan zehar auzo eta herrietan egiten dugun lana ezagutzera eman nahi dugu. Zuri ere talderen batean parte hartzea gustatuko litzaizuke? Asteazkenean hitzordua daukagu Bilbon, eta ostegunean Gasteizen. Galdetzera edota informazioa jasotzera gerturatu nahi baldin baduzu, apuntatu:
BILBAO
• Ekainak 12, asteazkena.
• 17.30etan.
• Arriaga plazan.
• Paraxutarekin jolasak, ipuin-kontalaria eta informazio-mahaia.
• Antolatzailea, Bizkaiko Astialdi Foroa: Aisi-Hezi, Aisiola, Amarauna Sarea, Bosko taldea, EDE, Euskalerriko Eskautak Bizkaia, Gaztetxoak, Gurutze Gorria, Itaka, Kiribil Sarea, Kurkudi eta Bizkaiko Urtxintxa Eskola.
VITORIA-GASTEIZ. "Kaiso, setan sabis? Hezten, ala setan?".
• Ekainak 13, osteguna.
• 19.30etan.
• Arka plazan.
• Batukada, globoflexia, paraxutarekin jolasak.
• Antolatzailea, Arabako Astialdi Foroa: Euskalerriko Eskautak Araba, Arduradun Eskola, Atseden, Azterlariak, Acción 21, Gurutze Gorria eta Su Alai.
