EGK [eus] :: Hasiera
2015-09-02

Euskadiko Gazteriaren Kontseiluan kezkatuta gaude gure inguruan ematen ari diren adierazpen neo-faxistak direla eta. Bilbon gazte batek ostiralean jasan zuen erasoaren ondoren eta eragile bat garen heinean, komunikatu bat aurkezten dugu. Gazte guztiei dei egiten diegu, eskuin-muturreko mugimenduei aurre egiteko eta bakea, errespetua eta justizia bezalako baloreak sustatuko dituen gizarte baten alde egiteko. Neo-Faxismoaren aurrean, gazteok batuta.

2015-09-01

Euskadiko Gazteriaren Kontseiluan parte-hartze teknikari bila gabiltza, iraila bukaeratik aurrera lanpostua betetzeko Gasteizen. 30 urte baino gutxiago baldin baduzu, gizarte gaietan eta parte-hartze dinamiketan aditua bazara, euskara maila altua badaukazu eta euskal elkartegintza ezagutzen baduzu, albistean sar zaitez, lan deialdi osoa irakurri eta hautagaia izateko pausuak ezagutzeko (irailak 10 arte).

2015-08-25

Lehen aldiz, Euskadiko Gazteriaren Kontseiluak kirola eta parte-hartzea biltzen dituen ekimen bat antolatu du: GazteOlinpiadak. Irailaren 19an (Bilbon), 26an (Gasteizen) eta urriaren 18an (Donostian) burutuko dira dinamika honen hiru lehiaketak. Irailaren 19an, larunbatean, Bilboko Deustuko kiroldegian goalball-en txanda izango da. Irailaren 26an, larunbatean, Gasteizko Mendizorrotza kiroldegian saskibaloi lehiaketa egingo da eta, azkenik, urriaren 18an, igandean, Donostiako Manteo kiroldegian boleibola-ri ekingo diogu. Informa zaitez eta IZENA EMAN BAKARKA EDO TALDEKA!

2015-08-24

Gazteak protagonista izan dira Berria egunkariak argitaratu duen erreportaje sorta batean. Garikoitz Goikoetxea kazetariak idatzita, "Udako Seriea" deituriko formatuan agertu ziren interneten eta paperean uztailaren 27 eta abuztuaren 2aren artean. Euskal Herriko gazteen demografia, lan merkatua eta langabezia, prekarietatea, lan emigrazioa, parte-hartzea, estereotipoak, politikak... gai anitzak jorratu dira eta bitan EGKren ikuspuntuak jaso dira. Alde batetik, Amaia Elorza, etxebizitza eta enplegu teknikariaren hitzak eta, bestetik, Itsaso Anduezarenak, EGK-ko presidentea. Irakurri hemen guztiak.

2015-07-22

EGK Angel Toña, Enplegu eta Gizarte Politiketako sailburuarekin bildu da, baita Eusko Jaurlaritzaren sail honen beste arduradunekin. Topaketa honetan, EGK-ko ordezkariek orain dela aste batzuk aurkeztu zen "Gazteontzako enplegu planak egiteko GAZTEON ERREZETAK" dokumentua, gazteen kalitatezko enplegua sustatzeko 17 proposamenekin, sailburuari zuzenean eskuan emateko aukera izan dute. Bilerara hurbildu ziren bi aldeek etxekolanak hartu zituzten eta laster berriro elkartzea adostu zuten.

Diru-laguntza eman dute:

 

Eusko Jaurlaritza            Bizkaiko Aldundia     Gazte Bizz     Gipuzkoako Aldundia