EGK [eus] :: Astialdi Foroa

Prest da udako kanpaina! Boluntario gazteez osatutako Araba, Bizkaia eta Gipuzkoako astialdi taldeek ikasturte osoko lanaren emaitza aurkeztu dute: 100 udaleku eta opor-jarduera baino gehiago. Guztira, 10.000 plaza eskaintzen dituzte udaleku, auzolandegi, topaketa eta bestelako udako-ekintzetan parte hartzeko. Guk hiru zerrendetan bildu ditugu ekintza horiek guztiak, bat Euskal Autonomia Erkidegoko lurralde bakoitzeko (jarduerak antolatu dituzten taldeen jatorriaren arabera):

- Araba. Ekintzak ikusi.

- Bizkaia. Ekintzak ikusi.

 

- Gipuzkoa. Ekintzak ikusi.

Edozein lurraldeko astialdi-taldek antolatutako ekintza aukeratu dezakezu, ez bakarrik zure lurraldeko talde batek eskainitako jarduerak. Dena den, hobe izaten da zure inguruko bat aukeratzea, ondoren nahi izanez gero ikasturtean zehar ere talde horretan parte hartu ahal izateko.

Informazio gehiago nahi baldin baduzu, hemen daukazu ere Udako Kanpainaren informazio-eskuorria: 

Tríptico actividades de verano

Udan, astialdia astindu!

 

 

Zer da Astialdi Foroa?

Euskadiko Gazteriaren Kontseiluaren baitan dagoen lan-talde bat da. Bere osaera honakoa da:

- Astialdiko 14 eskola.

- 10 federazio. 

...Araba, Bizkaia eta Gipuzkoako talde eta koordinakunde hauen atzetik... 13.000 gazte daude.

Zer egiten du lantalde honek?

Lurraldeka lan egiten du; hiru topagune daude: Araban, Bizkaian eta Gipuzkoan. Foro honen bitartez, EAEko lurralde bakoitzeko astialdi eskola eta federazioak hilero biltzen dira bere kezka eta proiektuak amankomunean jartzeko. Hona hemen lantzen dituzten gaietako batzuk:

  • Zein eragin izango dute astialdiko kualifikazio berriek talde eta eskolen lanarengan? Nola aurre egin dakioke testuinguru berri honi?
  • Nola egokitu daitezke eskolen beharretara diru-laguntzak eta udalekuak arautzen dituzten dekretuak?
  • Nola landu hezkidetza, aniztasuna, behar bereziak, euskararen normalkuntza... astialdian? Nola atera argitara astialdi hezitzailearen eragileen lana eta papera?

Amankomuneko arazoez gain... amankomuneko konponbideak ere mahai-gaineratzen dira:

  • Talde, eskola eta federazioak aho batez zuzentzen zatzaizkie administrazio, instituzio eta talde politikoei. Eta fruituak ematen ditu! 2009an, kasu, Arabako Foru Aldundiko gazteria aurrekontu-sailak ez murriztea lortu dute, beste kapituluetan %7ko murrizketa orokorra egin den arren.
  • Baterako ekimenak egiten dira eta, baterakoak diren aldetik, eraginkorrak. 2009an, adibidez, Tipi Topa prozesua burutu zen; prozesu honen baitan, plater-izarra Astialdi Hezitzailearen Kongresua izan da, 30etik gora hitzaldi eta dinamikekin eta 171 parte-hartzailerekin.  Gertuago, 2013an, Kanpalekua Legebiltzarrean topaketak burutu ziren, 100 parte-hartzaile baino gehiagorekin ere.
  • Harreman topagune berriak sortzen ditu, gazte, gazteria-teknikari eta arduradun politikoak aurrez-aurre jartzen. Honen adibiderik oraintsukoena "Litroak edan, Foru Aldundian" elkar-hizketak izan ziren.
  • Urtero hiru desplegable egiten dira; horietan, eskola eta taldeek udaran egingo dituzten ekintza eta egitasmo guztiak jasotzen dira; triptikoak komunikabideen bitartez jendarteratzen dira, besteak beste.

...eta ez hori bakarrik... gehiago jakin nahi baduzu, hezkuntza@egk.org helbidera idatzi dezakezu, edo deitu gure telefonoetara

Diru-laguntza eman dute:

 

Eusko Jaurlaritza     Arabako Gazteria       Bizkaiko Aldundia     Gazte Bizz     Gipuzkoako Aldundia